Aðalfundur SSÚ ályktar:

- Að SSÚ beiti sér fyrir því að krókabátar fái leyfi til þorsknetaveiða.

- Að SSÚ beiti sér af fullum þunga fyrir svokallaðri Bárðar-hugmynd þar sem lagt er til að menn megi veiða hluta af kvóta sínum í þorskígildum.

- Að SSÚ beiti sér fyrir því að tegundartilfærsla verði færð til fyrra horfs.

- Að SSÚ beiti sér af fullum þunga fyrir því að makrílveiðar á línu/handfæri verði aldrei kvótasettar, hefjist ekki fyrr en 10. júlí ár hvert og verði frjálsar til 1. október.

- Að SSÚ beiti sér fyrir því að stofnaður verði sérstakur línuívilnunarpottur fyrir báta með beitningavélar auk þess að bæta í pott balabáta til samræmis við þá aukningu í þorski sem fyrirsjáanleg er.

- Að SSÚ hvetji til þess að meiri jöfnuði verði komið á á milli svæða í strandveiðum.

- Að SSÚ hvetji til þess að á fót verði komið aflaráðgefandi nefnd skipstjórnarmanna og sjómanna.  Í þeim hópi er mjög vannýtt auðlind þekkingar sem gæti nýst vel hjá Hafró.

- SSÚ fagnar ákvörðun um afnám greiðslumiðlunar.